Priz Lenin ar Peoc'h

enor
Deiziad krouiñ	21 Kzu 1949
Anv er yezh a orin	Международная Ленинская премия «За укрепление мира между народами»
Anvet diwar	Vladimir Lenin
Stad	Unaniezh ar Republikoù Sokialour ha Soviedel
Deroet gant	Unaniezh ar Republikoù Sokialour ha Soviedel
Erlec'hiañ a ra	International Stalin Prize for Peace
Deiziad kregiñ	1950
Deiziad echuiñ	1990

Priz etrebroadel Stalin pe Priz etreboadel Stalin « Evit kreñvaat ar peoc'h etre ar pobloù », bet adanvet Priz etrebroadel Lenin « Evit kreñvaat ar peoc'h etre ar pobloù » (rusianeg: Международная Ленинская премия «За укрепление мира между народами ») e 1956 da heul distalinikadur an Unvaniezh Soviedel, a oa ur priz soviedel kevatal d'ar Priz Nobel.

Krouet e oa bet ar priz d'ar 21 a viz Kerzu 1949 gant an anv kentañ "Priz etreboadel Stalin « Evit kreñvaat ar peoc'h etre ar pobloù »" en enor 70vet deiz-ha-bloaz Jozef Stalin.

Anvet e veze ur c'huzul gant gouarnamant an Unaniezh Soviedel gantañ da gefridi divizout da biv e oa da vezañ roet ar priz a-drugarez d'o strivoù evit "kreñvaat ar peoc'h etre ar pobloù".

Disheñvel e oa ar priz diouzh ar Priz Nobel dre ma veze roet peurliesañ da veur a hini bep bloaz kentoc'h evit d'un den nemetken.

Goude ma savas groñs Nikita Khrushchev a-enep Stalin ha d'ar politikerezh bet kaset en-dro gantañ da geñver 20ved Emvod-Meur Strollad Komunour an Unaniezh Soviedel bet dalc'het e 1956, e oa bet divizet kemmañ anv ar priz-se, adanvet neuze Priz etrebroadel Lenin evit kreñvaat ar peoc'h etre ar pobloù ha goulennet e oa bet ouzh an holl dud bet roet ar priz kent dezhe e resteurel evit ma c'hellfe bezañ roet dezhe ar priz gantañ an anv nevez-se.

D'an 11 a viz Kerzu 1989 e oa bet divizet anenvel ar priz adarre, dezhañ an titl nevez "Priz etrebroadel Lenin ar Peoc'h" (ruseg: международная Ленинская премия мира), ha chom a rejod a-sav da reiñ ar priz-se daou vloaz war-lerc'h e 1991.